Foydo қўлланмаси

Бошлаш

Foydo Telegram ичида ишлайди: ботни очинг ва пастдаги Foydo тугмасини босинг. Компьютерда app.foydo.uz манзилини браузерда очсангиз ҳам бўлади.

Иловага киринг

1
Тилни танланг: oʻzbekcha, ўзбекча ёки русский.
2
Сизга берилган Логин ва Паролни ёзинг.
3
Кириш тугмасини босинг.

Буюртмалар

Буюртма — мижоз билан келишилган иш. Унинг ҳар бир харажати ва тўлови шу буюртмага ёзилади.

Буюртмалар рўйхати

1
Ҳар бир картада учта рақам бор: Келишилган сумма, Фойда ҳозирча ва мижознинг Қарзи. Муддати ўтганлар энг тепада қизил рангда туради.
2
Янги буюртма очиш тугмаси.
3
Фаол, Ёпилган ва Бекор қилинган буюртмалар орасида ўтиш.
4
Катта + тугмаси — тезда харажат ёки тўлов ёзиш учун. У ҳар бир бош экранда бор.

Янги буюртма очинг

1
Буюртма номи, масалан: «Ошхона мебели».
2
Мижозни рўйхатдан танланг. Янги мижозни шу ернинг ўзида қўшса бўлади.
3
Келишилган сумма. Ҳали келишилмаган бўлса, бўш қолдиринг.
4
Сақлаш.

Буюртма ичида

1
Фойда ҳозирча — келишилган суммадан харажатлар айирилгани. Унинг остида харажат, тўланган сумма ва мижоз қарзи туради.
2
Шу буюртмага харажат ёки тўлов қўшиш.
3
Буюртманинг барча харажат ва тўловлари рўйхати.
4
Иш тугагач буюртмани ёпинг (пастда батафсил).

Харажат ва тўлов

Пул чиқдими — харажат, мижоздан пул келдими — тўлов ёзинг. Иккаласи ҳам битта экрандан, катта + тугмаси орқали ёзилади.

Харажат ёзинг

1
Харажат танланган бўлсин.
2
Суммани ёзинг. Долларда бўлса, пастдаги $ ни танланг — курсни Foydo ўзи қўяди.
3
Қайси буюртмага кетди. Ижара ёки свет каби умумий харажат бўлса — Буюртмасиз — умумий харажат.
4
Харажат тури: материал, транспорт, иш ҳақи ва бошқалар.
5
Сақлаш.

Мижоз тўловини ёзинг

1
Тўловни танланг.
2
Мижоз берган сумма.
3
Қайси буюртма учун тўлади. Мижознинг қарзи шу заҳоти камаяди.

Ҳамма кирим-чиқим

1
Фақат харажатларни ёки фақат тўловларни кўрсатиш.
2
Саралаш: ким киритгани, кимга тўлангани ва сана бўйича.
3
Ёзувни босинг — уни тузатиш ёки ўчириш мумкин. Ҳар бир ўзгариш тарихда сақланади.

Буюртмани ёпиш

Иш топширилди — буюртмани ёпинг. Ёпилган буюртманинг фойдаси шу ой ҳисоботига тушади.

Ёпишни тасдиқланг

1
Санани текширинг ва Буюртмани ёпишни босинг. Ёпилгандан кейин харажат қўшиб бўлмайди, лекин мижоздан қолган тўловни қабул қилса бўлади.

Ҳисобот

Ой охирида асосий савол — қанча ишладим? Жавоб Ҳисобот бўлимида.

Ой натижаси

1
Соф натижа — шу ойда ёпилган буюртмалар фойдасидан умумий харажатлар (ижара, свет ва ҳ.к.) айирилгани. Остида ўтган ойга нисбатан ўзгариш.
2
Пул ҳаракати — шу ойда ҳақиқатда келган ва кетган пул.
3
Ойлар бўйича устунлар — бизнес ўсяптими ёки йўқми, бир қарашда кўринади.

Мижозлар ва қарз

Ким қанча қарзи борлиги Меню → Мижозлар бўлимида туради.

Мижоз картаси

1
Умумий қарз — мижознинг барча буюртмалари бўйича қолган сумма. Остида буюртмалари рўйхати.
2
Улашиш — қарз ҳисобини мижозга юбориш (Telegram, SMS) ёки нусхалаб олиш.

Созламалар

Бир марта созлаб қўясиз: ходимлар, валюта ва харажат турлари. Ҳаммаси Меню бўлимида. Харажат турларига ўз турларингизни ҳам қўшса бўлади, масалан «Бўёқ».

Ходим қўшинг

1
Логин беринг — ходим иловага шу билан киради. Парол автоматик яратилади ва бир марта кўрсатилади. Логин бермасангиз, ходим фақат иш ҳақи ёзишда «кимга» рўйхатида туради.
2
Рухсатлар — ходим нима қила олиши. Масалан, харажат ёзсин, лекин фойда ва ҳисоботни кўрмасин.

Валюта ва курс

1
Иккинчи валюта, одатда доллар.
2
Доллар курси. Янги харажат ва тўловларга шу курс қўйилади.
3
Ёқиб қўйсангиз, курс ҳар куни Марказий банкдан ўзи янгиланади. Олдин ёзилган операцияларнинг курси ўзгармайди.

Мавзу ва тил

1
Ёруғ ёки қоронғи кўриниш.
2
Илова тили.