Foydo qo'llanmasi

Boshlash

Foydo Telegram ichida ishlaydi: botni oching va pastdagi Foydo tugmasini bosing. Kompyuterda app.foydo.uz manzilini brauzerda ochsangiz ham bo'ladi.

Ilovaga kiring

1
Tilni tanlang: o'zbekcha, ўзбекча yoki русский.
2
Sizga berilgan Login va Parolni yozing.
3
Kirish tugmasini bosing.

Buyurtmalar

Buyurtma — mijoz bilan kelishilgan ish. Uning har bir xarajati va to'lovi shu buyurtmaga yoziladi.

Buyurtmalar ro'yxati

1
Har bir kartada uchta raqam bor: Kelishilgan summa, Foyda hozircha va mijozning Qarzi. Muddati o'tganlar eng tepada qizil rangda turadi.
2
Yangi buyurtma ochish tugmasi.
3
Faol, Yopilgan va Bekor qilingan buyurtmalar orasida o'tish.
4
Katta + tugmasi — tezda xarajat yoki to'lov yozish uchun. U har bir bosh ekranda bor.

Yangi buyurtma oching

1
Buyurtma nomi, masalan: «Oshxona mebeli».
2
Mijozni ro'yxatdan tanlang. Yangi mijozni shu yerning o'zida qo'shsa bo'ladi.
3
Kelishilgan summa. Hali kelishilmagan bo'lsa, bo'sh qoldiring.
4
Saqlash.

Buyurtma ichida

1
Foyda hozircha — kelishilgan summadan xarajatlar ayirilgani. Uning ostida xarajat, to'langan summa va mijoz qarzi turadi.
2
Shu buyurtmaga xarajat yoki to'lov qo'shish.
3
Buyurtmaning barcha xarajat va to'lovlari ro'yxati.
4
Ish tugagach buyurtmani yoping (pastda batafsil).

Xarajat va to'lov

Pul chiqdimi — xarajat, mijozdan pul keldimi — to'lov yozing. Ikkalasi ham bitta ekrandan, katta + tugmasi orqali yoziladi.

Xarajat yozing

1
Xarajat tanlangan bo'lsin.
2
Summani yozing. Dollarda bo'lsa, pastdagi $ ni tanlang — kursni Foydo o'zi qo'yadi.
3
Qaysi buyurtmaga ketdi. Ijara yoki svet kabi umumiy xarajat bo'lsa — Buyurtmasiz — umumiy xarajat.
4
Xarajat turi: material, transport, ish haqi va boshqalar.
5
Saqlash.

Mijoz to'lovini yozing

1
To'lovni tanlang.
2
Mijoz bergan summa.
3
Qaysi buyurtma uchun to'ladi. Mijozning qarzi shu zahoti kamayadi.

Hamma kirim-chiqim

1
Faqat xarajatlarni yoki faqat to'lovlarni ko'rsatish.
2
Saralash: kim kiritgani, kimga to'langani va sana bo'yicha.
3
Yozuvni bosing — uni tuzatish yoki o'chirish mumkin. Har bir o'zgarish tarixda saqlanadi.

Buyurtmani yopish

Ish topshirildi — buyurtmani yoping. Yopilgan buyurtmaning foydasi shu oy hisobotiga tushadi.

Yopishni tasdiqlang

1
Sanani tekshiring va Buyurtmani yopishni bosing. Yopilgandan keyin xarajat qo'shib bo'lmaydi, lekin mijozdan qolgan to'lovni qabul qilsa bo'ladi.

Hisobot

Oy oxirida asosiy savol — qancha ishladim? Javob Hisobot bo'limida.

Oy natijasi

1
Sof natija — shu oyda yopilgan buyurtmalar foydasidan umumiy xarajatlar (ijara, svet va h.k.) ayirilgani. Ostida o'tgan oyga nisbatan o'zgarish.
2
Pul harakati — shu oyda haqiqatda kelgan va ketgan pul.
3
Oylar bo'yicha ustunlar — biznes o'syaptimi yoki yo'qmi, bir qarashda ko'rinadi.

Mijozlar va qarz

Kim qancha qarzi borligi Menyu → Mijozlar bo'limida turadi.

Mijoz kartasi

1
Umumiy qarz — mijozning barcha buyurtmalari bo'yicha qolgan summa. Ostida buyurtmalari ro'yxati.
2
Ulashish — qarz hisobini mijozga yuborish (Telegram, SMS) yoki nusxalab olish.

Sozlamalar

Bir marta sozlab qo'yasiz: xodimlar, valyuta va xarajat turlari. Hammasi Menyu bo'limida. Xarajat turlariga o'z turlaringizni ham qo'shsa bo'ladi, masalan «Bo'yoq».

Menyu

1
Xodimlar — ilovaga kim kira olishi va nima qila olishi.
2
Valyuta va kurs — dollar kursi.
3
Sozlamalar — mavzu, til, parol va Telegram.

Xodim qo'shing

1
Login bering — xodim ilovaga shu bilan kiradi. Parol avtomatik yaratiladi va bir marta ko'rsatiladi. Login bermasangiz, xodim faqat ish haqi yozishda «kimga» ro'yxatida turadi.
2
Ruxsatlar — xodim nima qila olishi. Masalan, xarajat yozsin, lekin foyda va hisobotni ko'rmasin.

Valyuta va kurs

1
Ikkinchi valyuta, odatda dollar.
2
Dollar kursi. Yangi xarajat va to'lovlarga shu kurs qo'yiladi.
3
Yoqib qo'ysangiz, kurs har kuni Markaziy bankdan o'zi yangilanadi. Oldin yozilgan operatsiyalarning kursi o'zgarmaydi.

Mavzu va til

1
Yorug' yoki qorong'i ko'rinish.
2
Ilova tili.